بالعربي ولمشبرح الفلسطيني ... بقلمي تغريد الحاج

بالعربي المشبرح
وبالفلسطيني كمان
وبلهجة اهل بلدنا
----------------------
قالوا للحرامي احلف يمين
قال إجت ساعة الفرج
ههههههههههه
يا عمي فهمنا في حرامي بسرق جاجه لأنه جوعان بدو ياكل
وفي حرامي بسرق قرش بدو يشتري رغيف خبز
او يشتري اواعي يستر حاله، وفي حرامي ما ملاقي شغل بضطر
 يسرق ليطعمي عياله مع انه كلها سرقة وكلها حرام
وفي حرامي بتوب لوجه الله وببطل يسرق وببطل يحلف يمين كذب
وفي حرامي بهذا العصر بسرق منشور او حكاية وبنشرها بإسمه ما كل الناس بتعرف انه المنشور ملطوش ويلا هيك بمشي الحال ما حدا بحاسب حدا وحياة عيون جدي اللي ما شاف النت وعالم التواصل الاجتماعي هاد كله بسيطه  وما حدا بسأل
بس انه تصير السرقات سرقة  ادمن او اداري او مندوب من المواقع هاي صعبه صراحة هاي ما عادت سرقة صارت قرصنه رزق الله ايام القراصنه وحرب البحار مش حرب الادمن وسرقته
صرنا نتندم على حرامية ايام زمان وايام زمان
 ولو  تخنتوهاااا، مره شام ومره اميمه ومره هلا ومره ام عدنان
باقي انا واخوي ابورياح 🤔🤔🤔😁😁
يا عمي لا تتعبوا حالكو وتغلبو عالفاضي احنا عيلة وحدة وأخوة
 قبل الادمن والفيس افهموها، صح يا جماعة ؟؟؟؟
على كل حال برأيي بلا هالحركات المكشوفه
لانه الإخلاص ما بنسرق هو مبدأ بالإنسان الوفي
والحمدالله يلي معي مثال للوفا وما حدا بيقدر يلطشن
لانن اصحاب مبدأ، مش هيك؟؟؟؟؟
 امبلا هيك ونص كمان
بقلمي
 تغريد الحاج