نبع الحنان ...
قصة بالعامية
بقلم/ يحيي بزور
الحلقة خمسة وعشرون ...
---------------------------------
قصي حكى معي وحكالي بدنا نعمل زيارة الكم فاي وكت بكون مناسب حكيتلو بكرة وبعدين البيت بيتك وبتشرفو اهلا وسهلا
حكيت لابوي وامي قصي بدو يعمل النا زيارة فبكرة منيح مناسب حكو اوك اهلا وسهلا فيهم باي وكت، انا بلشت اعزم بالناس يعني الاصحاب والكرايب وصاحبات البنات اتصلت عضحى وسالتها تبلش تعزم هي واهلها بالناس اللي بخصوهم، رن علي قصي وحكى هينا احنا طالعين ان شاء الله ساعة زمن بكون عندكم حكيتلو اهلا وسهلا ناطرينكم مريم قلبها كان حاسسها بس ما بتحكي المهم وصلو الجماعه ودخلو اهلا وسهلا تفضلو اتعرفت العيلة عبعض وحكى عمو لقصي يا جماعه احنا عرفنا بقصة ابننا واللي عملتوه معو وهاد ما بنساه طول حياتنا ودين برقبتنا وان شاء الله احنا جايين نطلب ايد بنتكم مريم لابننا قصي عسنة الله ورسوله وجاهزين لطلباتكم اجت مريم كدمت الكهوة وكعدت مع قصي وتعرفو عبعض (النظرة الشرعية) رد عليه ابوي اهلا وسهلا بنتشرف فيكم واللي عملناه احنا ممكن اي فلسطيني اصيل يعملو وبتمنى تعطونا اسبوع نفكر ونشاور البنت وبنرد خبر الكم واهلا وسهلا فيكم وبتشرفونا كمان اسبوعين على عرس زكي عقبال ابنكم قصي حكى عمو لقصي ان شاء الله راح يكونو فرحين وحكو شوي وروحو، كعدنا مع مريم وحكينا شو رايك واتاكدي انو مهما كان رايك هاد حقك وفكري واحنا بنكون سالنا عن قصي بشكل عام ارتاحت الو مريم بس هاي زيجة عمر ولازم التفكير مزبوط ....
احنا بلشنا التحضيرات واتفقنا انا وضحى انو يكون عرسنا باللباس الفلسطيني وكنا مبسوطين بهيك قرار وراح تكون حفلة العروس والبنات ببيتنا وحفلة الشباب بالساحة باب البيت طبعا الاصحاب والجيران ما قصرو ساعدو بكل شي، حكينا لمريم شو رايك النهائي بدنا نرد خبر للجماعه طبعا كعادة اي بنت استحت، ابوي حكى بدي اسمع منك الكلمة آه او لأ، حكت موافقة الف الف مبروك لكان لرن عقصي وخبرو حكيتلو بتقدر بكرة تيجي عشان نحدد موعد الخطبة وباقي التفاصيل والف مبروك ....
اجو اهل قصي واتفقنا عكل شي والاهم انو يكون كتب الكتاب وتلبيس الذبل بنفس يوم العرس انبسط كثير وخاصة انو راح يكون عرس وخطبة فلسطينية تقليدية، ابو عدي جارنا حلف طلاق الا يكون حمامي عندو يزم شو بتحكي مالك مش محتاجة اتطلق خلص ...
رجع الفرح لبلدنا ممكن غيمة الحزن تقعد يوم يومين شهر سنة بس راح تروح وراح يجي مكانها الخير والفرح هاد شعبنا رغم كل شي مصر انو يفرح يعيش يتزوج يخلف ما بهمو شي ولما ابو عمار حكى شعب الجبارين كان كاصد شو بكول وبكرة موعدنا مع احلى عرسان فيكي يا فلسطين ...
استنونا وهون بدي طلب من كل صبايا
#شذرات انهم يحضرو زغاريد فلسطينية
وبالنسبة للشباب بدي همتكم بالدحية والدبكة ❤😊
انتظرونا ....
نبع الحنان ...
قصة بالعامية
بقلم/ يحيي بزور
الحلقة الاخيرة ...
-----------------------
واخيرا بلش اليوم اللي بنطرو اي شب يوم عرسو، اصحيت وصحيت البنات معي امي كانت كاعدة بتشرب كهوة ....
امي : يسعدلي صباحووو احلى عريس فيكي يا جينين
#انا : صباح الفل لست الكل وبست ايدها ما يحرمني منك يا غالية
#امي:حبيبي يسعدك يا الله شو راح تعمل هلا كل شي جاهز بس ظل انت وضحى
#انا : اي مزبوط هلا بحكي مع ضحى خليها تجهز حالها عشان خالها يوخدها هي وامها عالصالون ويوخد مريم وفاطمة وانتي طبعا
#امي : هههه يكطع شرك انا تبعت صالونات خليها للصبايا انا حلوة ولك من دون هيك شي
#انا : اكيد ياما انتي حلوة وست الستات طيب لازم تكوني مع العروس بالصالون وبعدين بدك تروحي انتي والبنات مثل ما بتعرفي راح تلبس الثوب الفلسطيني التقليدي
#امي : تخافش انا منسقة مع العروس كل شي انت خليك مرتاح
طبعا صحيو مريم وفاطمة صباح الخير عريسنا صاحي بدري ههههه شو هالنشاط
#انا : يافتاح يا عليم شو انتو جاهزين بدكم تجهزو الغرفة راح تيجي ضحى كمان شوي بتساعدوها
#فاطمة :ولا يهمك اخوي كون متطمن كلو راح يكون ١٠٠%
#مريم : والله انك هبلة اليوم بعرفك بكرة لا، ضحى راح تنسيه ايانا
#انا : ولي مجنونة بلى هبل شو بتحكي انا بعمل هيك الله يسامحك بعدين كمان اليوم فرحتك ولا نسيتي الف مبروك حبيبتي
#مريم : بمزح ئي مالك انت اخوي واذا ما فكعت مرارتك مين راح يفكعها وكربت علي وباستني ما يحرمني منك احلر عريس
#امي :الله لا يحرمكم من بعض ويخليلي اياكم وافرح فيكم كلكم كربنا عليها وحضناها وبسناها
#ابوي : اه وانا وين رحت ولكم رحنا وبسنا ايدو انت تاج راسنا وما يحرمنا منك
#ابوي : حبايبي تسلمولي ويما يحرمني هالجمعه والف مبروك يا عريس
رنيت عضحى : صباح الفل لاحلى عروس بالدنيا كيفك
#ضحى :الحمد الله صباحك فل يا احلى عريس فيكي يا فلسطين
#انا :شو جاهزة عشان خالك يجي يوخدكم مع امي وخواتي عالصالون
#ضحى : اه بس شو رايك انو تيجي الصبية عندي عالبيت هيك افضل واحسن
#انا : اللي بدك اياه اعمليه المهم عندي انو تكوني احلى واجمل واروع عروس بالدنيا لكان راح جيب امي وخواتي وانتو كملو شغلكم وبنلتقي
رن علي قصي قلي انحنا جاهزين وانتو كلتلو احنا جاهزين وبنلتقي بالليل وتنساش الشيخ، قصي حكى ولا تهتم منيمو عندي بالبيت من مبارح يقطع شرك ضحكتني خلص بنلتقي بالليل الله معك
وشباب الحارة ما كصرو مع الظهر كان مكان السهرة جاهز والصبايا جهزو وكل شي تمام عند ابو عدي كان حمامي واتجمعو الشباب والاصحاب وعملو حفلة بتجنن لبست فوك البدلة عباية ختيارية
صار وكت طلعة العروس اخدنا الجاهة ورحنا عند بيت عمي
#ابوي : يا ابو ضحى احنا بنتشرف بنسبك وجايين احنا وهالجاهة الكريمة النا امانة غالية عندك وبدنا نوخدها
#ابو ضحى : شرفتو واحنا بنتشرف انو اعطينا لشب مثل ابنك واهلا وسهلا وهاي امانتكم عمي وجهلي الحكي بحكيلي انا عطيتك قطعة من روحي وانا متأكد انك راح تحافظ عليها وتحميها
#انا : بوعدك يا عمي وكدام وجوه الخير انو طالما هالنفس بعدو موجود بنتك بعيوني وقلبي وروحي وسلمت عليه
#ابوي : يا جماعه الخير الخير جيرة الله عليكم تشرفو عالحفلة والعشا واهلا وسهلا شرفتو ...
بلشت الحفلة والناس بلشت تيجي #ابوي : اهلا وسهلا شرفتو اهلين ابو محمود تفضل هلا ابو كايد حياك الله ابو علي ابو عدي شرفتو يا هلا وغلا والشباب بلشو يغنو ويدبكو
#ابوي :يا جماعة الخير اليوم عنا ضيوف من نابلس وجايين طالبين ايد بنتي خلونا نفرح ونعملو الفرح فرحين
#عم_قصي : يا جماعة الخير يا اهلي وناسي الف الف مبروك زواج زكي واليوم راح يكون في فرحة ثانية واحنا جايين نطلب ايد بنتكم مريم لابننا قصي عسنة الله ورسوله
#ابوي : بنتشرف فيكم والكم اللي جيتو عشانو الف مبروك
الشيخ كان موجود وطلب انو يسمع موافقة العروس فطلع معو ابوي وسالها لمريم وحكتلو موافقة وطلعت هالزغاريد وتم الامر عخير
مريم وضحى كانو لابسين الثوب الفلسطيني القديم حكى ابوي خلي العرسان يطلعو فوق يلبسو الذهب
بس فتنا لجوا وبلشنا نلبس الذهب كانو ضحى ومريم اجمل صبايا وخاصة الثوب الثوب الفلسطيني
#امي :أويهـــا
جيت أغني وقبلي ما حدا غنا
أويهاااا
بقاع وادي فيه الطّير بيستنا
أويهـــا
وريتك يا زكي بهالعروس تتهنا
أويهـــا
وتظل سالم ويظل الفرح عنّا
#ام_ضحى : أويها
قومي معي يا قطر الندى
ويلي بالذهب مقمعـا
أويهاااااا
ويخليلك أبوكي وإخوانك
أويهااااا
وتضلّك بحياةٌ مدلعه
#امي : ايهاى ياعريس لاتعبس
ايهاى ومن خاص الذهب لبس
ايهاى وهذى عروستك بنت عمك
ايهاى ترفع راسك فى كل مجلس
#ام_ضحى : * ايهاى ارفعى راسك يا مرفوعة الراسى
ايهاى لافيكى عيبه ولا مقولة الناسى
ايهاى ارفعى راسك لبيك وقوليلو
ايهاى احنا بنات فلسطين ما يغلى علينا غالى …
وخلص العرس وروحو الناس كل واحد عبيتو وكان يوم العمر ما بنتسى ابدا ....
وبالنهاية هاد شعبنا وهاي حياتو رغم كل شي رغم الدمار والحرب والقتل الا انو احنا شعب بنحب الحياة اكثر من الحرب وبنحب نعيش بأمان بس لما الشغلة تتعلق بارضنا وشرفنا وكرامتنا احنا سيد من حارب وقاتل والعالم بشهد
قصة بالعامية
بقلم/ يحيي بزور
الحلقة خمسة وعشرون ...
---------------------------------
قصي حكى معي وحكالي بدنا نعمل زيارة الكم فاي وكت بكون مناسب حكيتلو بكرة وبعدين البيت بيتك وبتشرفو اهلا وسهلا
حكيت لابوي وامي قصي بدو يعمل النا زيارة فبكرة منيح مناسب حكو اوك اهلا وسهلا فيهم باي وكت، انا بلشت اعزم بالناس يعني الاصحاب والكرايب وصاحبات البنات اتصلت عضحى وسالتها تبلش تعزم هي واهلها بالناس اللي بخصوهم، رن علي قصي وحكى هينا احنا طالعين ان شاء الله ساعة زمن بكون عندكم حكيتلو اهلا وسهلا ناطرينكم مريم قلبها كان حاسسها بس ما بتحكي المهم وصلو الجماعه ودخلو اهلا وسهلا تفضلو اتعرفت العيلة عبعض وحكى عمو لقصي يا جماعه احنا عرفنا بقصة ابننا واللي عملتوه معو وهاد ما بنساه طول حياتنا ودين برقبتنا وان شاء الله احنا جايين نطلب ايد بنتكم مريم لابننا قصي عسنة الله ورسوله وجاهزين لطلباتكم اجت مريم كدمت الكهوة وكعدت مع قصي وتعرفو عبعض (النظرة الشرعية) رد عليه ابوي اهلا وسهلا بنتشرف فيكم واللي عملناه احنا ممكن اي فلسطيني اصيل يعملو وبتمنى تعطونا اسبوع نفكر ونشاور البنت وبنرد خبر الكم واهلا وسهلا فيكم وبتشرفونا كمان اسبوعين على عرس زكي عقبال ابنكم قصي حكى عمو لقصي ان شاء الله راح يكونو فرحين وحكو شوي وروحو، كعدنا مع مريم وحكينا شو رايك واتاكدي انو مهما كان رايك هاد حقك وفكري واحنا بنكون سالنا عن قصي بشكل عام ارتاحت الو مريم بس هاي زيجة عمر ولازم التفكير مزبوط ....
احنا بلشنا التحضيرات واتفقنا انا وضحى انو يكون عرسنا باللباس الفلسطيني وكنا مبسوطين بهيك قرار وراح تكون حفلة العروس والبنات ببيتنا وحفلة الشباب بالساحة باب البيت طبعا الاصحاب والجيران ما قصرو ساعدو بكل شي، حكينا لمريم شو رايك النهائي بدنا نرد خبر للجماعه طبعا كعادة اي بنت استحت، ابوي حكى بدي اسمع منك الكلمة آه او لأ، حكت موافقة الف الف مبروك لكان لرن عقصي وخبرو حكيتلو بتقدر بكرة تيجي عشان نحدد موعد الخطبة وباقي التفاصيل والف مبروك ....
اجو اهل قصي واتفقنا عكل شي والاهم انو يكون كتب الكتاب وتلبيس الذبل بنفس يوم العرس انبسط كثير وخاصة انو راح يكون عرس وخطبة فلسطينية تقليدية، ابو عدي جارنا حلف طلاق الا يكون حمامي عندو يزم شو بتحكي مالك مش محتاجة اتطلق خلص ...
رجع الفرح لبلدنا ممكن غيمة الحزن تقعد يوم يومين شهر سنة بس راح تروح وراح يجي مكانها الخير والفرح هاد شعبنا رغم كل شي مصر انو يفرح يعيش يتزوج يخلف ما بهمو شي ولما ابو عمار حكى شعب الجبارين كان كاصد شو بكول وبكرة موعدنا مع احلى عرسان فيكي يا فلسطين ...
استنونا وهون بدي طلب من كل صبايا
#شذرات انهم يحضرو زغاريد فلسطينية
وبالنسبة للشباب بدي همتكم بالدحية والدبكة ❤😊
انتظرونا ....
نبع الحنان ...
قصة بالعامية
بقلم/ يحيي بزور
الحلقة الاخيرة ...
-----------------------
واخيرا بلش اليوم اللي بنطرو اي شب يوم عرسو، اصحيت وصحيت البنات معي امي كانت كاعدة بتشرب كهوة ....
امي : يسعدلي صباحووو احلى عريس فيكي يا جينين
#انا : صباح الفل لست الكل وبست ايدها ما يحرمني منك يا غالية
#امي:حبيبي يسعدك يا الله شو راح تعمل هلا كل شي جاهز بس ظل انت وضحى
#انا : اي مزبوط هلا بحكي مع ضحى خليها تجهز حالها عشان خالها يوخدها هي وامها عالصالون ويوخد مريم وفاطمة وانتي طبعا
#امي : هههه يكطع شرك انا تبعت صالونات خليها للصبايا انا حلوة ولك من دون هيك شي
#انا : اكيد ياما انتي حلوة وست الستات طيب لازم تكوني مع العروس بالصالون وبعدين بدك تروحي انتي والبنات مثل ما بتعرفي راح تلبس الثوب الفلسطيني التقليدي
#امي : تخافش انا منسقة مع العروس كل شي انت خليك مرتاح
طبعا صحيو مريم وفاطمة صباح الخير عريسنا صاحي بدري ههههه شو هالنشاط
#انا : يافتاح يا عليم شو انتو جاهزين بدكم تجهزو الغرفة راح تيجي ضحى كمان شوي بتساعدوها
#فاطمة :ولا يهمك اخوي كون متطمن كلو راح يكون ١٠٠%
#مريم : والله انك هبلة اليوم بعرفك بكرة لا، ضحى راح تنسيه ايانا
#انا : ولي مجنونة بلى هبل شو بتحكي انا بعمل هيك الله يسامحك بعدين كمان اليوم فرحتك ولا نسيتي الف مبروك حبيبتي
#مريم : بمزح ئي مالك انت اخوي واذا ما فكعت مرارتك مين راح يفكعها وكربت علي وباستني ما يحرمني منك احلر عريس
#امي :الله لا يحرمكم من بعض ويخليلي اياكم وافرح فيكم كلكم كربنا عليها وحضناها وبسناها
#ابوي : اه وانا وين رحت ولكم رحنا وبسنا ايدو انت تاج راسنا وما يحرمنا منك
#ابوي : حبايبي تسلمولي ويما يحرمني هالجمعه والف مبروك يا عريس
رنيت عضحى : صباح الفل لاحلى عروس بالدنيا كيفك
#ضحى :الحمد الله صباحك فل يا احلى عريس فيكي يا فلسطين
#انا :شو جاهزة عشان خالك يجي يوخدكم مع امي وخواتي عالصالون
#ضحى : اه بس شو رايك انو تيجي الصبية عندي عالبيت هيك افضل واحسن
#انا : اللي بدك اياه اعمليه المهم عندي انو تكوني احلى واجمل واروع عروس بالدنيا لكان راح جيب امي وخواتي وانتو كملو شغلكم وبنلتقي
رن علي قصي قلي انحنا جاهزين وانتو كلتلو احنا جاهزين وبنلتقي بالليل وتنساش الشيخ، قصي حكى ولا تهتم منيمو عندي بالبيت من مبارح يقطع شرك ضحكتني خلص بنلتقي بالليل الله معك
وشباب الحارة ما كصرو مع الظهر كان مكان السهرة جاهز والصبايا جهزو وكل شي تمام عند ابو عدي كان حمامي واتجمعو الشباب والاصحاب وعملو حفلة بتجنن لبست فوك البدلة عباية ختيارية
صار وكت طلعة العروس اخدنا الجاهة ورحنا عند بيت عمي
#ابوي : يا ابو ضحى احنا بنتشرف بنسبك وجايين احنا وهالجاهة الكريمة النا امانة غالية عندك وبدنا نوخدها
#ابو ضحى : شرفتو واحنا بنتشرف انو اعطينا لشب مثل ابنك واهلا وسهلا وهاي امانتكم عمي وجهلي الحكي بحكيلي انا عطيتك قطعة من روحي وانا متأكد انك راح تحافظ عليها وتحميها
#انا : بوعدك يا عمي وكدام وجوه الخير انو طالما هالنفس بعدو موجود بنتك بعيوني وقلبي وروحي وسلمت عليه
#ابوي : يا جماعه الخير الخير جيرة الله عليكم تشرفو عالحفلة والعشا واهلا وسهلا شرفتو ...
بلشت الحفلة والناس بلشت تيجي #ابوي : اهلا وسهلا شرفتو اهلين ابو محمود تفضل هلا ابو كايد حياك الله ابو علي ابو عدي شرفتو يا هلا وغلا والشباب بلشو يغنو ويدبكو
#ابوي :يا جماعة الخير اليوم عنا ضيوف من نابلس وجايين طالبين ايد بنتي خلونا نفرح ونعملو الفرح فرحين
#عم_قصي : يا جماعة الخير يا اهلي وناسي الف الف مبروك زواج زكي واليوم راح يكون في فرحة ثانية واحنا جايين نطلب ايد بنتكم مريم لابننا قصي عسنة الله ورسوله
#ابوي : بنتشرف فيكم والكم اللي جيتو عشانو الف مبروك
الشيخ كان موجود وطلب انو يسمع موافقة العروس فطلع معو ابوي وسالها لمريم وحكتلو موافقة وطلعت هالزغاريد وتم الامر عخير
مريم وضحى كانو لابسين الثوب الفلسطيني القديم حكى ابوي خلي العرسان يطلعو فوق يلبسو الذهب
بس فتنا لجوا وبلشنا نلبس الذهب كانو ضحى ومريم اجمل صبايا وخاصة الثوب الثوب الفلسطيني
#امي :أويهـــا
جيت أغني وقبلي ما حدا غنا
أويهاااا
بقاع وادي فيه الطّير بيستنا
أويهـــا
وريتك يا زكي بهالعروس تتهنا
أويهـــا
وتظل سالم ويظل الفرح عنّا
#ام_ضحى : أويها
قومي معي يا قطر الندى
ويلي بالذهب مقمعـا
أويهاااااا
ويخليلك أبوكي وإخوانك
أويهااااا
وتضلّك بحياةٌ مدلعه
#امي : ايهاى ياعريس لاتعبس
ايهاى ومن خاص الذهب لبس
ايهاى وهذى عروستك بنت عمك
ايهاى ترفع راسك فى كل مجلس
#ام_ضحى : * ايهاى ارفعى راسك يا مرفوعة الراسى
ايهاى لافيكى عيبه ولا مقولة الناسى
ايهاى ارفعى راسك لبيك وقوليلو
ايهاى احنا بنات فلسطين ما يغلى علينا غالى …
وخلص العرس وروحو الناس كل واحد عبيتو وكان يوم العمر ما بنتسى ابدا ....
وبالنهاية هاد شعبنا وهاي حياتو رغم كل شي رغم الدمار والحرب والقتل الا انو احنا شعب بنحب الحياة اكثر من الحرب وبنحب نعيش بأمان بس لما الشغلة تتعلق بارضنا وشرفنا وكرامتنا احنا سيد من حارب وقاتل والعالم بشهد
ليست هناك تعليقات:
إرسال تعليق