نبع الحنان ...
قصة بالعامية
بقلم/ يحيي بزور
الحلقة
الرابعة عشر ...
----------------------------
كربت شوي شوي لاعرف من وين جاي الصوت لحد ما وصلت لكيت شب متصاوب عجنب الشارع كربت عليه بس حس فيني حاول يستخدم سلاحو حكيتلو لا تخاف عليك الامان، بس سمع صوتي حكى زكي كلتلو انت بتعرفني ؟؟؟ طبعا الدنيا صارت ليل واللمبات اللي بالشارع الشباب طخو عليها عشان يعرفو يتحركو، انا شلت الحطة عن راسو هون اتفاجأت مين قصي ولك شو عمل فيك هيك حكالي مش وكت الحكي هس ساعدني خلينا نبعد من هون كلتلو بتقدر تمشي حكالي اه كانت اصابتو بايدو الشمال ونزف دم كثير فسندتو كلتلو راح نروح عالبيت عنا قلي لا مش امان وما بدي اعمل لاهلك مشاكل كلتلو هلا المعركة شغالة ومش فاضين يدورو عحد والصبح بفرجها ربك يا قصي، سندتو ومشينا .... قصي من نابلس ودرس معي بالجامعه وكان من اول الطلاب عدفعتو كان كل همو انو يتخرج ويلاكي شغل ويعيش امو هو كان وحيد امه، وامه مثلها مثل اي ام فلسطينية تحملت واشتغلت ليل نهار لتدرس ابنها وتفرح فيه بس باخر فترة انقطعت اخبارو وما عرفت عنو شي، وصلنا البيت صارت الساعه 12 بالليل وكانو اهلي وضحى يرنو علي بس كان تلفوني محطوط صامت دكيت الباب نادى ابوي مين كلتلو انا زكي افتحو بسرعه فتح الباب بسرعه ساعدوني احملو معي بسرعه حطيناه عالتخت اخدت سلاحو وجعبتو وحكيت لامي خبيهن بمعرفتك بسرعه نظفنا الجرح وعقمناه وكان جرحو صعب لانو الرصاصة فايتة بايدو وطالعه من الجهة الثانية حكيت لمريم وفاطمة بسرعه وحدة منكن تجيب عباية من اللي عندها صفنو في لشو العباية، صيحت عليهن بسرعه جابت فاطمة عباية الها كلت لامي فوتي انتي والبنات جوا بدنا نغيرو اواعي انا وابوي لبستو العباية وناديت عامي كلتلها بسرعه اواعي الشب واواعي عليهن دم
اغسليهن وبعدين كطعيهن وخليهن لشغل البيت بس اغسليهن منيح وما تخلو اي شي هون نظفو البيت منيح حكيت لمريم الحقيني باي شي نمسح الدرج بسرعه لحكتني ونظفنا وكل شي تمام، كلت لمريم انت وفاطمة الليلة بتنامو عند امي وانا بنام عندو وابوي بنام هون بعينك الله يابا بدك تتحمل، كلي عيب عليك ولك هاد حمل روحو عكفو عشان احنا نعيش بس راس ابوي بدي نيمو بغرفتكن فهمو علي شو كصدت بالي راح اعملو، وكلتلهم اذا حدا دق الباب وطلعو جيش تفتحوش بسرعه ولما تفتحو الباب افتحو كانكم كايين بسابع واد افهمتو علي
كالو افهمنا ولا يهمك، ومرت ليلة صعبة ودعينا الله انو يحمي هالشب ويبعد الجيش عنو حكيت لامي شو عملتي بالسلاح كالتلي ولا يهمك بامان كلتلها يما ادعي الله يحمي هالشب ويبعد عنو وعنا اولاد الكلب
اعملي شي خلينا نطعمي الشب بلكن عوض شوي من الدم اللي نزفو والصبح بنشوف كيف بدنا نعالجو كالت انا رايحة اعمل ولا يهمك يما فوت عند الشب، فتت عليه ابتسم ابتسامة مع وجع وقلي حلوة العباية بس كانها قصيرة علي وضحكنا كلتلو يازلمي يحرك حريشك مثل ما انت بعدك بتمزح وبتضحك وانت بعز المك ما تغيرت ابدا، بس احكيلي شو اللي صار معك وكيف وصلت هون ....
يتبع ....
نبع الحنان ...
قصة بالعامية
بقلم/ يحيي بزور
الحلقة الخامسة عشر ...
-------------------------------
جابت امي الاكل وبلشت طعمي فيه قصي حكى يسلمو ايديكي يما غلبتكم سامحوني امي كالتلو عيب عليك احنا اهل وانت صرت من اهل البيت ومعزتك من معزة اولادي كلت لامي خلص روحي ارتاحي وانا بظل عندو، طيب يما الف صحة الله يحميكم تصبحو عخير ...
بلشت طعمي قصي لحد ما حكى خلص بكفي يسلم ايديك يا صاحبي قصي انت اخي وصاحبي هلا احكيلي شو صار معك وشو اللي وصلك لهون ... اتنهد وكال انا بعد ما تخرجت لقيت شغل عند واحد بالارض مثلي مثل باقي الاف الخريجين اللي تخرجو وكعدو بالدار وكان اللي بوخدو اجر بكفي لنعيش انا وامي وبيوم من الايام وانا مروح من الشغل فتت عالبيت ونديت يما يما وينك ؟؟؟ كلبي نكزني ما بعرف ليش ركضت صرت دور لكيتها واكعه وما بوعيها، رنيت عالاسعاف ما كان حد يجي كانت الاوضاع صعبة وكان في اقتحام لنابلس واشتباكات وجرحى، حملتها ونزلت الشارع بالصدفة ابن حلال كان مارك وكفتو وحكيتلو منشان الله عالمشفى حكى اطلع بسرعه ومشينا
كان في حاجز للجيش وكان طابور سيارات طويل نزلت صرت صيح معنا حالة بدنا الرووح عالمشفى طبعا الجنود صيحو علينا ومنعونا
كلت للشوفير بتعرف طريك ثانية حكى اه بس طويلة كلتلو اتكل عالله المهم بعد مشوار طويل وصلنا للمشفى كانت لسا بتتنفس شافوها الدكاترة كانت حالتها سيئه كان عندها مشاكل بالقلب وللاسف ما كدرو يعملو شي وماتت امي بلش يبكي حضنتو وكلتلو الله يرحمها والله يلعن الاحتلال ....
ومن وكتها وكلبي مليان عليهم وما ظل شي اخاف عليه فقررت انتقم لان العدو مصر انو يذلنا ويعذبنا بكل الوسائل من اغتيالات وهدم بيوت المقاومين وتنكيل عالحواجز بس احنا اكوى لانو اصحاب حك والله معنا طبعا امو لقصي في مثلها الالاف ...
كانت الاشتباكات شغالة وكوية غير الطيران والدبابات كان مشهد مش غريب علينا بس هالمرة اكوى شوي، كلتلو نام ارتاح والصبح بنحكي وبنشوف شو بنعمل ... رن تلفوني كانت الساعه بعد نص ليل كانت ضحى رديت حكت وينك مختفي ما بترد شو صاير انت منيح فيك شي كلتلها اتطمني انا بخير الصبح بحكيلك نامي والصباح رباح
طلع الصبح كانو اهلي صاحيين ما حد يعرف ينام امي كانت مجهزة الفطور مريم وفاطمة بحكولي شو راح تعمل شو نسوي كلتلها انزلي عالسوبر ماركت بحجة انك بدك تشتري اغراض وشوفي وضع الشارع والحارة كيف بس انتبهي، كالت طيب ولبست ونزلت وانا رحت عند قصي لكيتو صاحي صباح الخير يا بطل كيفك اليوم كال الحمد الله بس وجع ايدي ذبحني كلتلو هلا بنشوف شو نعمل خلينا نفطر رجعت مريم كالت الوضع هادي بس سمعت الناس بحكو انو الجيش هالمرة راح يفوت وبكوة ....حكى قصي مثل ما توقعت الاجتياح كرب لازم اطلع كلتلو وين بدك تروح كلي انت ساعدني اطلع وبعدها ربك بفرجها كلتلو المهم هلا نشوف حد يشوف جرحك ضروري استنى شوي راجع طلعت كان في دكتور قريب منا وبنعرفو رحت عليه وكلتلو تعال عنا شوف الحجة شكلو ضغطها نازل حكى اوك شوي وبكون جاهز، وصلت البيت ومعي الدكتور فتنا شاف قصي كلتلو سامحني كذبت عليك شوف جرح هالشب الله يخليك اطلع فيني الدكتور وحكى الله يسامحك يا زكي مفكرني راح احكي كلتلو انا بعرفك دكتور بس مثل ما بتعرف الامان مطلوب حكى ولا يهمك فهمت عليك فوتناه عالغرفة وبلش الدكتور يشوف جرحو وطلع كال انا عملت اللازم وانتو عملتو منيح لما عقمتو جرحو بس لازمو مشفى وانا راح احكيلك شو تعمل وان شاء الله خير ...
يتبع ....
قصة بالعامية
بقلم/ يحيي بزور
الحلقة
----------------------------
كربت شوي شوي لاعرف من وين جاي الصوت لحد ما وصلت لكيت شب متصاوب عجنب الشارع كربت عليه بس حس فيني حاول يستخدم سلاحو حكيتلو لا تخاف عليك الامان، بس سمع صوتي حكى زكي كلتلو انت بتعرفني ؟؟؟ طبعا الدنيا صارت ليل واللمبات اللي بالشارع الشباب طخو عليها عشان يعرفو يتحركو، انا شلت الحطة عن راسو هون اتفاجأت مين قصي ولك شو عمل فيك هيك حكالي مش وكت الحكي هس ساعدني خلينا نبعد من هون كلتلو بتقدر تمشي حكالي اه كانت اصابتو بايدو الشمال ونزف دم كثير فسندتو كلتلو راح نروح عالبيت عنا قلي لا مش امان وما بدي اعمل لاهلك مشاكل كلتلو هلا المعركة شغالة ومش فاضين يدورو عحد والصبح بفرجها ربك يا قصي، سندتو ومشينا .... قصي من نابلس ودرس معي بالجامعه وكان من اول الطلاب عدفعتو كان كل همو انو يتخرج ويلاكي شغل ويعيش امو هو كان وحيد امه، وامه مثلها مثل اي ام فلسطينية تحملت واشتغلت ليل نهار لتدرس ابنها وتفرح فيه بس باخر فترة انقطعت اخبارو وما عرفت عنو شي، وصلنا البيت صارت الساعه 12 بالليل وكانو اهلي وضحى يرنو علي بس كان تلفوني محطوط صامت دكيت الباب نادى ابوي مين كلتلو انا زكي افتحو بسرعه فتح الباب بسرعه ساعدوني احملو معي بسرعه حطيناه عالتخت اخدت سلاحو وجعبتو وحكيت لامي خبيهن بمعرفتك بسرعه نظفنا الجرح وعقمناه وكان جرحو صعب لانو الرصاصة فايتة بايدو وطالعه من الجهة الثانية حكيت لمريم وفاطمة بسرعه وحدة منكن تجيب عباية من اللي عندها صفنو في لشو العباية، صيحت عليهن بسرعه جابت فاطمة عباية الها كلت لامي فوتي انتي والبنات جوا بدنا نغيرو اواعي انا وابوي لبستو العباية وناديت عامي كلتلها بسرعه اواعي الشب واواعي عليهن دم
اغسليهن وبعدين كطعيهن وخليهن لشغل البيت بس اغسليهن منيح وما تخلو اي شي هون نظفو البيت منيح حكيت لمريم الحقيني باي شي نمسح الدرج بسرعه لحكتني ونظفنا وكل شي تمام، كلت لمريم انت وفاطمة الليلة بتنامو عند امي وانا بنام عندو وابوي بنام هون بعينك الله يابا بدك تتحمل، كلي عيب عليك ولك هاد حمل روحو عكفو عشان احنا نعيش بس راس ابوي بدي نيمو بغرفتكن فهمو علي شو كصدت بالي راح اعملو، وكلتلهم اذا حدا دق الباب وطلعو جيش تفتحوش بسرعه ولما تفتحو الباب افتحو كانكم كايين بسابع واد افهمتو علي
كالو افهمنا ولا يهمك، ومرت ليلة صعبة ودعينا الله انو يحمي هالشب ويبعد الجيش عنو حكيت لامي شو عملتي بالسلاح كالتلي ولا يهمك بامان كلتلها يما ادعي الله يحمي هالشب ويبعد عنو وعنا اولاد الكلب
اعملي شي خلينا نطعمي الشب بلكن عوض شوي من الدم اللي نزفو والصبح بنشوف كيف بدنا نعالجو كالت انا رايحة اعمل ولا يهمك يما فوت عند الشب، فتت عليه ابتسم ابتسامة مع وجع وقلي حلوة العباية بس كانها قصيرة علي وضحكنا كلتلو يازلمي يحرك حريشك مثل ما انت بعدك بتمزح وبتضحك وانت بعز المك ما تغيرت ابدا، بس احكيلي شو اللي صار معك وكيف وصلت هون ....
يتبع ....
نبع الحنان ...
قصة بالعامية
بقلم/ يحيي بزور
الحلقة الخامسة عشر ...
-------------------------------
جابت امي الاكل وبلشت طعمي فيه قصي حكى يسلمو ايديكي يما غلبتكم سامحوني امي كالتلو عيب عليك احنا اهل وانت صرت من اهل البيت ومعزتك من معزة اولادي كلت لامي خلص روحي ارتاحي وانا بظل عندو، طيب يما الف صحة الله يحميكم تصبحو عخير ...
بلشت طعمي قصي لحد ما حكى خلص بكفي يسلم ايديك يا صاحبي قصي انت اخي وصاحبي هلا احكيلي شو صار معك وشو اللي وصلك لهون ... اتنهد وكال انا بعد ما تخرجت لقيت شغل عند واحد بالارض مثلي مثل باقي الاف الخريجين اللي تخرجو وكعدو بالدار وكان اللي بوخدو اجر بكفي لنعيش انا وامي وبيوم من الايام وانا مروح من الشغل فتت عالبيت ونديت يما يما وينك ؟؟؟ كلبي نكزني ما بعرف ليش ركضت صرت دور لكيتها واكعه وما بوعيها، رنيت عالاسعاف ما كان حد يجي كانت الاوضاع صعبة وكان في اقتحام لنابلس واشتباكات وجرحى، حملتها ونزلت الشارع بالصدفة ابن حلال كان مارك وكفتو وحكيتلو منشان الله عالمشفى حكى اطلع بسرعه ومشينا
كان في حاجز للجيش وكان طابور سيارات طويل نزلت صرت صيح معنا حالة بدنا الرووح عالمشفى طبعا الجنود صيحو علينا ومنعونا
كلت للشوفير بتعرف طريك ثانية حكى اه بس طويلة كلتلو اتكل عالله المهم بعد مشوار طويل وصلنا للمشفى كانت لسا بتتنفس شافوها الدكاترة كانت حالتها سيئه كان عندها مشاكل بالقلب وللاسف ما كدرو يعملو شي وماتت امي بلش يبكي حضنتو وكلتلو الله يرحمها والله يلعن الاحتلال ....
ومن وكتها وكلبي مليان عليهم وما ظل شي اخاف عليه فقررت انتقم لان العدو مصر انو يذلنا ويعذبنا بكل الوسائل من اغتيالات وهدم بيوت المقاومين وتنكيل عالحواجز بس احنا اكوى لانو اصحاب حك والله معنا طبعا امو لقصي في مثلها الالاف ...
كانت الاشتباكات شغالة وكوية غير الطيران والدبابات كان مشهد مش غريب علينا بس هالمرة اكوى شوي، كلتلو نام ارتاح والصبح بنحكي وبنشوف شو بنعمل ... رن تلفوني كانت الساعه بعد نص ليل كانت ضحى رديت حكت وينك مختفي ما بترد شو صاير انت منيح فيك شي كلتلها اتطمني انا بخير الصبح بحكيلك نامي والصباح رباح
طلع الصبح كانو اهلي صاحيين ما حد يعرف ينام امي كانت مجهزة الفطور مريم وفاطمة بحكولي شو راح تعمل شو نسوي كلتلها انزلي عالسوبر ماركت بحجة انك بدك تشتري اغراض وشوفي وضع الشارع والحارة كيف بس انتبهي، كالت طيب ولبست ونزلت وانا رحت عند قصي لكيتو صاحي صباح الخير يا بطل كيفك اليوم كال الحمد الله بس وجع ايدي ذبحني كلتلو هلا بنشوف شو نعمل خلينا نفطر رجعت مريم كالت الوضع هادي بس سمعت الناس بحكو انو الجيش هالمرة راح يفوت وبكوة ....حكى قصي مثل ما توقعت الاجتياح كرب لازم اطلع كلتلو وين بدك تروح كلي انت ساعدني اطلع وبعدها ربك بفرجها كلتلو المهم هلا نشوف حد يشوف جرحك ضروري استنى شوي راجع طلعت كان في دكتور قريب منا وبنعرفو رحت عليه وكلتلو تعال عنا شوف الحجة شكلو ضغطها نازل حكى اوك شوي وبكون جاهز، وصلت البيت ومعي الدكتور فتنا شاف قصي كلتلو سامحني كذبت عليك شوف جرح هالشب الله يخليك اطلع فيني الدكتور وحكى الله يسامحك يا زكي مفكرني راح احكي كلتلو انا بعرفك دكتور بس مثل ما بتعرف الامان مطلوب حكى ولا يهمك فهمت عليك فوتناه عالغرفة وبلش الدكتور يشوف جرحو وطلع كال انا عملت اللازم وانتو عملتو منيح لما عقمتو جرحو بس لازمو مشفى وانا راح احكيلك شو تعمل وان شاء الله خير ...
يتبع ....
ليست هناك تعليقات:
إرسال تعليق