كول يا لحرف ... بقلم الشاعرة المتألقة كبيرة شاب

كول يا لحرف
آش لمخبِّ من زمان
في الجوف
كاع المخزون صفوف بين
ارفوف
عَاوْدْ احكي اشحال ديال
لحتوف
آش داز وشلَّى دابا راه
انشوف
العين بكات ركبها المرض
والخوف
الروح  مجروحة  تشتات
ولات اشقوف

لابد من الحرف ما يقنط
من اديور
لابد ما يعيا ويثور يخرج
لنور
يحفر لقبور و يحرك حتى
الصخور
 اجبال وبحور اهرس هَمْ
اصدور
المكفنة و ادور  اعيات
من ابخور
الدنيا الكذاب المسموم
المغدور
ريحتو بانت واخا مغطي
مستور
مسدود  اعليه  البيبان
مجبور
ديما فيه لبكا هم وشرور
القلب مقهور
ما بقا ما يتشاف في دنيا
ولات اقبور
صدات توسخات غارقة
كلبحور
إلما معرفتيش اتعوم تبقى
ديما محكور
ولا تغرق  تولي  اعشا
وفطور
الحوت لكبير ما يرحمش
فكرشو مقبور
غَوِّتْ يا الحرف وثور كول
كاع اسطور
عاود آش  في  حياتنا
كيدور
واخا غير أتنفس لقلوب
شويا واصدور

             كبيرة شاب