اهمس لها ... بقلم الشاعرة المتألقة مليكة بوبراهيمي

هذه الوالدة لحبيبة
كل ما سمعت
الطقطوقة  الجبلية
الا وتنهدات
و بدات تحكي
الله الله على زمان...!
كنت صغيرة
نمشي مع يما ل جنان
لابسة لبسة بلدية
عاملة فوق راسي
سبنية
نعيع مع يما
ف الجبل
ونصيح كيف لغزال
الله عليك يا زمان
فين اللمة
وفين الأصحاب
فين يما وفين بابا..... ؟
فين الأيام لجميلة... ؟
كنا نتجمعو على لبيصار
ولكرموس....
ونعملو عشية
ونخبزو الخبز
بالخميرة البلدية
كان الخير ولخمير
ولقلوب صافية
اليوم آش بقي..... ؟
حتى  حاجة ما عندها
مذاق  غير الزواق
والنفاق ...
إيه....!
عشنا أيام جميلة
مصاب لو كان تعود ...
مسكينة أمي لحنينة
ما زالا تحلم بلحاكوز
وشرشما ولمطلوع
ما زال ما نسات....
شلا حاجات.......!
مليكة بوبراهيمي



زجل
هذه الوالدة لحبيبة
كل ما سمعت
الطقطوقة  الجبلية
الا وتنهدات
و بدات تحكي
الله الله على زمان...!
كنت صغيرة
نمشي مع يما ل جنان
لابسة لبسة بلدية
عاملة فوق راسي
سبنية
نعيع مع يما
ف الجبل
ونصيح كيف لغزال
الله عليك يا زمان
فين اللمة
وفين الأصحاب
فين يما وفين بابا..... ؟
فين الأيام لجميلة... ؟
كنا نتجمعو 
ونعملو عشية
ونخبزو الخبز
بالخميرة البلدية
كان الخير ولخمير
ولقلوب صافية
اليوم آش بقي..... ؟
حتى  حاجة ما عندها
مذاق  غير الزواق
والنفاق ...
إيه....!
عشنا أيام جميلة
مصاب لو كان تعود ...
مسكينة أمي لحنينة
ما زالا تحلم بزمان...
ما زال ما نسات....
شلا حاجات.......!
مليكة بوبراهيمي