(أنا ولا أنت ولا كلنا). بقلم الشاعر المتألق عبدالمنعم السقا

(أنا ولا أنت ولا كلنا)

.............................................

ممكن ياحظ تلعب معانا مرة ونفرح كلنا

يا حظ حرام عليك كفاية اتشتت شملنا

عمري ما قولت يا حظ كان اية ذنبنا

رضينا بالمقسوم اتخنقنا مين يفك سجننا

وكفاح شعب عمر وصلاح راح فين دا ودا

سكن الموت في البيوت عشش

الخفاش والعنكبوت هناك وهنا

زلت لسان يا ولد أقطع لساني

مع أني ساكت

أنا بوشوش الحصا

حتي الحصا تمنعه عننا

شوفت الولد ابن البلد

شال التراب

حطه علينا كلنا

حتي القلم

بينزف آلم

والجراح دفانتنا كلنا

ان كان عليه انا ميت

قام سرادق العزاء

شكرا الله سعيكم

أهدي

لمين القلم

يكتب علي قبري

سكن الولد ابن البلد

من غير ما يقولنا

مين السبب

أنا ولا أنت ولا كلنا

.............................

بقلم/ عبدالمنعم السقا