عايشين في زمن الفراق
كل يوم بنودع أحباب
إحنا علي الدنيا أغراب
وبنشوف منها العذاب
ناس بتسافر لدوله تانيه
وناس بتسافر للأخره
وكل واحد مستني الدور
أصل الدنيا دى مش دايمه
ناس تروح وسيرتها جميله
وسط الناس وسط العيله
وناس لما بتجي سيرتهم
تقول أعوز بالله عليهم
إعمل لنفسك سيره حلوه
مهما كانت الدنيا موره
الكلمه الحلوه فيها ثواب
تنفعك دنيا وكمان أخره
حب الناس كلها ولا تزعل منها
كل واحد وله ظروف إلتمسها لهم
وبلاش تكون سيء الظن بيهم
ربنا هو إللي عالم بيهم
الدنيا دى يوم لك ويوم ليهم
ربنا يستر علينا و عليهم
الدنيا مش مستهله خصام
مهما كان المبلغ كام
الدنيا دى شهور وأيام
يارب نخرج منها بسلام
...
زمن الفراق
بقلم . محمد عامر
ليست هناك تعليقات:
إرسال تعليق