احكيلي يا ستي عن بلدي احكيلي... بقلم الشاعر المتألق ابوسهيل كروم

احكيلي يا ستي
 عن بلدي
احكيلي عن القدس
 العتيقه
عن الناس الطيبه فيها
عن الجيران والأصحاب
والاصدقاء
عن الزوار اللي كانوا
يزوروها
عن الحارات عن الشوارع
احكيلي يا ستي عن بلدي
عن الطرقات الضيقه بين
البيوت
عن حجارتها قديه بتحمل
ذكريات
عن المحلات عن الدكاكين
وبياع الكعك
عن الحلويات البلدية بالسمن
العربي
احكيلي يا ستي عن مواسم
الربيع
عن زهر الزيتون
والورد والدحنون
عن الزعتر البري
عن الطيون
عن البيلسان
وعن الزيزفون
عن الرابية الحلوه
عن النهر والعيون
احكيلي يا ستي
عن جاركَوا ابو اسعد
عن المضافة اللي كان
يجتمع فيها الكبار
عن جارتك ام محمد
وعن ام جورج
وعن العشرة الطيبة
احكيلي يا ستي عن
الأكلات
عن المنسف
عن صواني المحمر
عن خبز الصاج
عن مناقيش الكشك
عن طبخة المجدرة
 بزيت الزيتون
عن البرتقال اللي كان
جدي
يحيبو من حيفا وعن
الجوافة
عن القمح والطحين من
الجليل
احكيلي يا ستي عن
الحب
عن الصبايا. بموسم
الزيتون
كيف يتخبوا ورا الشجره
بس يشوفوا الشباب
عن الشباب بزنودهم
المفتوله
غن اغاني دلعونا. وابو
الزلف
احكيلي يا ستي امانه
عن زريف الطول
حلوه القدس يا ستي؟
حلوه فلسطين؟
حلو بحر حيفا ويافا؟
حلو بحر غزه والصيادين؟
حلوه نابلس وحلوياتها؟
والصابون البلدي؟
ااااه يا بنتي ..
هو في احلا من القدس
او احلا من فلسطين.
شوفي يا بنتي قبة
الأقصى
بتضوي لحالها من دون
نور
شوفي الكنيسه كيف فيها
الوقار
شوفي يا بنتي شوارع
القدس
شوفي الشوارع والمحلات
والحارات
شوفي ما اطيب الناس
ما تغيروا أهلنا بكل
فلسطين.
رغم الاحتلال ورغم الايام
شعبنا أصيل
شوفي يا بنتي الفرح
بعيون الناس
هيك احنا كنا. وهيك
 راح انضل
وبكره يا بنتي بزول
الاحتلال
وبترجع البسمه على
 وجوه الأطفال
هاي القدس يا بنتي ما
بليق فيها الا الحلا
والا الجمال
لهيك تآمروا عليها.
اخوتها
بس الله كريم
بترجع
بترجع
واحنا الها راجعين
بقلم
رئيس تحرير ملتقى
شذرات من ذهب
ابو سهيل كروم