نبع_الحنان ...
قصة بالعامية
بقلم/ يحيي بزور
الحلقة الأولى ...
------------------------
اصحو يا ولاد يا الله يا بنات الساعه سبعة صارت قومو
ياما يحيى يا الله راح تتاخر عدوامك يالله بلا كسل فاطمة قومي راح تتاخري عالمدرسه مريم وانتي تاخرتي عالجامعه الله يقطع النت اللي بخليكم سهرانين لوجه الصبح، راحت عالمطبخ تجهز الفطور، صحيت العصابه هيك بتسمينا نبع الحنان، صحيت انا اتفاجأت امي اني بحضنها وببوسها "صباح الفل لست الكل يسعدلي اياكي محلاكي "
فهمت عليي الحنونه حكتلي عطاوله التلفزيون يما شو مصلحجي
بوستها ورحت اخدت المعلوم ....
طبعا شرفت الانسه فطوم وسامعها بتحكي صباح الورد والياسمين والعنبر لاحلى ام بالكون، حكتلها امي اختصري و انا هون قاطعت كلام امي حكيتلها عطاولة التلفزيون، اتطلعت علي امي بنص عين وحكتلي ولى هدول لخواتك كلتلها وانا حكيت شي اخدتهن وهربت، لحقتني فطوم عغرفتي وبلشت المعركه، صحيت مريم طبعا شعرها منكوش وماشية مثل الزومبي وفاتت بالحيط ركضت امي ورشتها بالمي صحصحي يعدمي شيطانك وطبعا فرطنا ضحك عليها طبعا وانا اتوجع من رجلي لانو الست فطوم ما قصرت وعملت اللازم، ما علينا بنرجع للزومبي قصدي مريم بعد ما فاتت بالحيط قربت عأمي وباستها صباحوووو يا عسل، حكتلها وصلت رسالتك الحقي يحيى يا بتوخديهن يا بتظلك بلا مصاري، طبعا انا ما كنت استرجي اخالف لمريم اي طلب لانو بتقوم بالواجب واكثر، قربت عليها اختي حبيبتي تفضلي هاي مصروفك واذا بدك خدي مصروفي يا روحي،حكتلي خلص سماح هالمر، هون نبع الحنان صاحت معكم ربع ساعه بتجهزو والا ؟؟؟؟
هون وقفنا الثلاث وقفة عسكرية وبصوت واحد تمام يا فندم وهربنا، طلعنا وانا لسا ورا الباب بسمع دعواتها ورضاها علينا ...
يتبع ....
قصة بالعامية
بقلم/ يحيي بزور
الحلقة الأولى ...
اصحو يا ولاد يا الله يا بنات الساعه سبعة صارت قومو
ياما يحيى يا الله راح تتاخر عدوامك يالله بلا كسل فاطمة قومي راح تتاخري عالمدرسه مريم وانتي تاخرتي عالجامعه الله يقطع النت اللي بخليكم سهرانين لوجه الصبح، راحت عالمطبخ تجهز الفطور، صحيت العصابه هيك بتسمينا نبع الحنان، صحيت انا اتفاجأت امي اني بحضنها وببوسها "صباح الفل لست الكل يسعدلي اياكي محلاكي "
فهمت عليي الحنونه حكتلي عطاوله التلفزيون يما شو مصلحجي
بوستها ورحت اخدت المعلوم ....
طبعا شرفت الانسه فطوم وسامعها بتحكي صباح الورد والياسمين والعنبر لاحلى ام بالكون، حكتلها امي اختصري و انا هون قاطعت كلام امي حكيتلها عطاولة التلفزيون، اتطلعت علي امي بنص عين وحكتلي ولى هدول لخواتك كلتلها وانا حكيت شي اخدتهن وهربت، لحقتني فطوم عغرفتي وبلشت المعركه، صحيت مريم طبعا شعرها منكوش وماشية مثل الزومبي وفاتت بالحيط ركضت امي ورشتها بالمي صحصحي يعدمي شيطانك وطبعا فرطنا ضحك عليها طبعا وانا اتوجع من رجلي لانو الست فطوم ما قصرت وعملت اللازم، ما علينا بنرجع للزومبي قصدي مريم بعد ما فاتت بالحيط قربت عأمي وباستها صباحوووو يا عسل، حكتلها وصلت رسالتك الحقي يحيى يا بتوخديهن يا بتظلك بلا مصاري، طبعا انا ما كنت استرجي اخالف لمريم اي طلب لانو بتقوم بالواجب واكثر، قربت عليها اختي حبيبتي تفضلي هاي مصروفك واذا بدك خدي مصروفي يا روحي،حكتلي خلص سماح هالمر، هون نبع الحنان صاحت معكم ربع ساعه بتجهزو والا ؟؟؟؟
هون وقفنا الثلاث وقفة عسكرية وبصوت واحد تمام يا فندم وهربنا، طلعنا وانا لسا ورا الباب بسمع دعواتها ورضاها علينا ...
يتبع ....
ليست هناك تعليقات:
إرسال تعليق