شذرة ... بقلم الشاعرة المتألقة هناء بدرية

باي .......
وكإنه كانت كلمة ( باي )
 اول كلمة تعلمناها لما كنا ولاد صغار ..
 يمكن كنا نقولها واحنا بنضحك
او يمكن بنقولها ونبكي .. نبكي لانه بدنا نروح مع الناس اللي بنحبهم
يمكن كانوا  بحبونا وبدللونا ..
 ويمكن كانوا بجيبولنا لعبة او حبة شوكلاتة بيعطونا  ..
 ويمكن كانت مصلحة متبادلة بينا
  احنا بنحب الدلال وهم بحبوا الاطفال ،،،
 يمكن ......
 ومرت الأيام وكبرنا
وكبرت كلمة ( باي ) معنا
وصار الوجع بدمعتنا ،،، وصار المرار بضحكتنا
والحنين صار صور نلملمها على طوووول الطريق
من أيامنا اللي مرّت بالاحزان وبفرحتنا
 وما كنا نعرف واحنا صغار
 ان اصعب كلمة في اول درس تعلمناه
لما نقول ( باي )  واحنا بنودع حبايبنا .............
بقلمي ،،، هناء البدرية ..