احبس دمعتك يا ابني، ما حدا حاسس فيك !!!! ... بقلم الشاعر المتألق ابوسهيل كروم

احبس دمعتك
 يا ابني، ما حدا
حاسس فيك !!!!
بقلمي
 ابوسهيل كروم
~~~~~~~~~
بيمرق الربيع
وبتذبل الزهور
واوراق الورد
بتصير حكايات
وبيمرق الخريف
 بيختفي الربيع
والشجر بيعرى
بتغير لون الاوراق
ببتساقط عن الاغصان
مثل ريشه ...
وبيمرق الخريف
وبتعطش الأرض
وبيجي الشتي
بيحمل الخيرات
وبتنزل المي عالسهول
عالجبال بالوديان
بيكثر البرق رالرعد
بيزيد، ليفجر ينابيع
مثل قلب الام ...
وبتنزل المزنه بتخترق
الغيم لتشتي الدني
الناس ببيوتها قاعده
من البرد، مسكري الأبواب
ومغلقة الشبابيك
وهاك الراعي بينطر
الغنمات ...
والعصافير بتتخبى
عالاغصان بنتطر
الشمس لتبعث الدفى
بتتفقد صغارها بكم
ورقه من الزرع
بس الفقير كيف بدو
يدفى . لا بيت يدفيه
ولا ثياب بتكفيه
رعشة البرد عالمسكين
مثل سكين
مين بيشعر بحرقة
 قلب فقير ؟؟!!!
مين بيتحسس دمعته
بالبرد ... مين ؟؟!!!
انا ما بعرف مين !!!!
قَولكوا اللي معن مصاري
اللي قاعدين بقصور
حد المدفأة
اللي لابسين الفرو
ودفيانين
قَولكوا بعرفوا انه
الفقير محروم ؟؟!!
قَولكوا شافوا رعشة
الفقير من البرد
وميات الشتي
انا ما بعرف !!!!
ولا بعرف انن بيعرفه
لانه اكيد ما راح يعرفه
والعيد جاي ..
حامل معه الف حكاية
وضحكة، بس مش
حامل دمعة فقير
ولا حامل الحرمان
شو هالزمان
فعلا !!!!!!!
شو هالزمان