بالعربي بالمشبرح والفلسطيني كمان ... بقلمي تغريد الحاج

بالعربي المشبرح وبالفلسطيني كمان وعبساط أحمدي زي ما قال جدي الله يصبحكم بالخير والسعاده -------------------------------------- قالوا زمان الزواج نص الدين والزواج سترة الرجال والست وقالوا كمان الزواج سر مقدس هاد ايام زمان !!! الله يرحم زمان وأيام زمان كان الخجل عنوان والستره أمن وأمان كان الرجال يستحي أكثر من النسوان يخاف من ربنا اولا ويخاف حدا يلاحظ عليه بأي غلط !!!! اه والله هيك كان زمان كان الحب قبل الزواج رسالة خطيه توصلها اخت الشب او اخت البنت وقراها بالسر والخوف وبعدين تصير الخطبه والزواج وان فشل الحب عالسكت تحرق الرسايل َ ما يضل الا ذكريات الايام ومستحيل حدا يحكي كلمه لان كان الشرف والأخلاق مقدس والحب طاهر وعفوي وكانت الرسايل بدون اسم عشان أن انمسكت ما حدا يعرف من مين أو لمين مش هيك ؟؟؟؟؟؟؟؟ 😉😉 اليوم َََ... بفعل الإنترنت ومواقع التواصل يا عيني يا ليلي ..... حدث ولا حرج اسمعوا بس لإكمل اليوم... على مواقع التواصل يا لطيف تلطف يا محلا الجاهليه !!!!!! اليوم... عالخاص..... رسائل وأشعار وغرام وهيام... عالمكشوف صدقوني عالمكشوف وعينك تشوف... يا ريت شب وصبيه هدفهن الزواج... يااااااااااااريت !!!!!!!!!!! غزل وما ادراك ما غزل والمصيبه انه المرسلين متزوجين والملتقيات متزوجات طبعا من الطرفين الرجال والمراه هو بيكتب وهي بتكتب بس مش لزوجها ولا هو لمرته !!!!!!! والله عيب 😠😠 الحب والعشق والخداع والنفاق هيك عالمكشوف يااخي ما انت متزوج طيب غازل زوجتك اكتبلا حب وهيام والله العظيم لنحترمك وانت يا هانم اكتبي لزوجك ابعثيلوا شعر ونثر وورد وزهور واقحوان ومرجان ولو ولو ولو .... صار العشق عالمكشوف والكل يخدع الكل... وين مخافة الله وين تقوى الله وين الأخلاق وقذسية الزواج... بح.. تبخرت... هو معقول هيك ؟؟؟!!!!! لا والله ما معقول مبلا ما معقول مش هيك مبلا هيك ونص !!!!!! ليه اللي استحوا ماتوا؟ بالعربي المشبرح وبالفلسطيني كمان تخنتوها نسمااااااااات بقلمي تغريد الحاج