الأربعاء، 25 أبريل 2018
فـوق خــد الزمـن دمعـــه ... بقلم الاستاذة المتالقة انتصار طليب
وفـوق خــد الزمـن دمعـــه
ما بين بيوت تحكي آهـات
بتقـول حكايـة شئ مضـى
أصبـح نقـوله في ذكـريات
نفتكره ننسى معاه همومنا
بغنوه حلـوه جـوه روايات
ياود صـافي وكان جامعـنا
وكـان مدفي كـل الحـارات
بحب طاهر مابين ضلوعنا
وناس جميـــله وطيبـــات
ماكنتش أسأل فين حارتنا
في أي حاره أدخـل وأبات
وبابنا دايماً مفتـوح لغيرنا
كانوا يقضـوا فيـه ساعات
ولقمـه حلـوه تجمع مابينا
رغيـف ودقـه مع بقسماط
وفرحـه فوق رمش الهـوى
تجمــع قلوبنــا ويا البنـات
وحلم أخضر مابين جفونا
نعيش حياتنا ومن سـكات
يا حلم عدى بليل جراحـنا
يصحي فينا كـل العــادات
وفجأه سابنا وراح جارحنا
كأنه ماضي خلاص وفـات
...@انتصار طليب
الاشتراك في:
تعليقات الرسالة (Atom)
ليست هناك تعليقات:
إرسال تعليق