منقسمة... بقلم الشاعر المتألق... محمد الشرقاوي

متقسمة ___________________________ متقسمة بين الكبار قتلوا النهار رسموا الليالي الحالكة صنعوا المرار خلوا الحياة زي العدم من غير أمل شرب الجميع كاس الندم قالوا عسل الخوف حكم والنوم حكم مات الضمير عند البشر ويا الهمم اسمع يا عم اسمع يا خال يا تموت بهم يا تكون بلال نطق الشهادة وقال لهم أحد أحد واقفين حيارى كلهم هو الأسد قلبه عمار عارف طريق الانتصار جات له المعونة من السما بقى حر صاحب كلمته صاحب قرار لكن يا صاحبي دولتك متقسمة بين الكبار ___________________________ متقسمة بين الحيتان سرقوا الأمان خلوا الفقير تايه ما بين الأرصفة ملهوش مكان الغيمة طالت يا بلد فين الولد اللي هيرسم ضحكتك اللي هيحمي جنتك اللي بتحكي قصته كان ياما كان أرض البطولة بتستلف من كل إيد وتاريخنا ياما كتير حلف كانوا عبيد واحنا اللي كانت مصرنا فيها الخزن وسنين طويلة شعبنا يفك المحن وفي غفلة تهنا يا بشر والجهل عاود وانتشر وفي كل لحظة بدون ندا يكبر خطر يملا المكان يملا الزمان ما خلاص بلادنا كلها متقسمة بين الحيتان ___________________________ متقسمة بين اللصوص والنصل حالف يفتري نازل يغوص في قلوب غلابة ومجروحين في عيون جميع المقهورين ويقولوا فقرك ده قدر عمرك تعيش م المطحونين والفيلا تبقى ملكهم ويا القصور لو مرة تمشي جنبهم برسوم عبور مش شعب واحد عمرنا ولا يوم نكون إلا بعدالة في ملكنا بأمر القانون الحق حق ومش كلام الحق راح يزرع سلام يمحي الضغينة والفتن يصنع قلوب مطمنة ونفوس كرام يا شعب حلمك تبتسم صدقني ده الحل الوحيد اوعى في لحظة تنقسم سادة وعبيد احفظ نصيحة قلتها بوجه الخصوص وبلاش بلدنا تعيش كده في إيدين لصوص ___________________________ متقسمة بين الوحوش بالمليارات والشعب طافح ع القروش مر و أهات يا سنين عجاف فرشت هنا قتلت طموحنا وحلمنا ولا شفت تاني زينا عاشقين سكات انزل يا شعب المفرمة بعديها قول المظلمة واستنى فوق عمرك زمن واسمع لحكم المحكمة أنت الفقير ذنبك كبير وانت اللي حالم بالأمل حلمك خطير ارجع وعيش زي البشر المخنوقين المجروحين اللي استكانوا ف ضلهم والمكتومين وادي الحكاية كلها من غير رتوش يا رب ترحم أهلها يا رب حوش ما تسيبها تايهة في ظلمها في إيدين وحوش ___________________________ شعر / محمد الشرقاوى