زنجيل من الزهيري ... بقلم الشاعر المتألق نهاد الكرخي

زنجيل من الزهيري ********** يلي تريد ابتعد راح ابتعد حاضر وانسه الجرة ابقصتي والجاي والحاضر بعيوني رسمك بقه وبكل وكت حاضر حاضر ابد ما غبت عن عيني لو لحظه نشدوني ياهو اجتلك كلت بسهم لحظه هاك الكلب جلبه بس عاينه او لحظه لاحظ كليبي اذا اسمك عليه من وشم مو بالحبر صاحبي ابنكراش واضح وشم العشرة مو بالغزل اولاهي تشابك وشم شم العطر ينتهي شم المواقف اصل تلكاني مثل السهم بالحظه يمك اصل دور على الينتخي صاحب حميه او اصل اصل العسل من نحل بس النحل مو راح منظر جميل او اوحلو من يوصلك بالراح يلدغ اذا غافلك واتعض راح ابراح الراح راح او عسى لا عادن اولا جن دمعات عيني اشكثر حركني من لاجن لا ما تمر ع البشر يا صاحبي اولا جن لاجن ولا جن ألي بفراكهم مرهم يا طير شك السما بجناحك او مرهم حلوين مثل الشهد لا ما ضكت مرهم مرهم اذا ما نسوا الكرخي الهم خل ما يوم خالف عهد لا ناقض اولا خل اصل المحبة وفه معلومة عندك خل من عندي اخذ الدرس روح اشرح او حاضر بقلمي نهاد الكرخي