الأربعاء، 9 مايو 2018
شذره... بقلم الشاعر المتألق نهاد الكرخي
سحرك بعد ما يشتغل
عطلته والكيت الرمز
ماكو بعد ردة فعل
من اسمع اباسمك أفز
جنت ابجي وابناري اشتعل
واضرب على جروحي وحز
تكتلني صفناتي كتل
مهموم وبكلبي وخز
اكتب قصايد ما امل
الف صدر والف عجز
ما يخطر ابالي اكل
شبعان وبقطعة خبز
جان الكلب هسه العقل
قرر على كليبي حجز
ممنوع ابد مو بالسهل
ينكز على كيفه نكز
بقلمي نهاد الكرخي
الاشتراك في:
تعليقات الرسالة (Atom)
ليست هناك تعليقات:
إرسال تعليق