اه يا بلدي شو طَوَل المشوار ... بقلم الشاعر المتالق ابوسهيل كروم

اه يا بلدي شو طَوَل المشوار
وشو طولت بالهجر غربتنا
قولك منرجع ع هاك الدار
بنزرع ورد وحبوب تربتنا
قولك قريب يفتح النَوار
ع البيادر شمايل قمح ضيعتنا
وهاك الصبايا يعَبّوا جرار
من النبع فوار حد صخرتنا
وصوت البلابل تصدح والكنار
يعزف لحن أسى فوق شجرتنا
وزهور الروابي لونها صار
مثل العدم ع فراق ديرتنا
والورد والياسمين والغار
زادوا ألم وذبلت وراق فُلتنا
وهاك القنديل المعلق بإصرار
يهدي ضيوف الليل
وين سهرتنا
وااااااه من الهجر
والتكرار
سنين عم تمضي
ع فرقتنا
والقدس ناطره بعز
هالاحرار
قولك يا بنتي بنرجع
عضيعتنا

خربشااااات
بقلمي
ابوسهيل كروم