قطفة حبق ..... بقلم الشاعر المتألق عازار الريم.

.....قطفة حبق .....

شعر باللغة المحكية....
                                     
خصوصي مرقتي عادربي

                    عشقتك ما بقدر خبي

لا تهتمي بالشيبات

                  قلبي مليان محبي
                  .  .  .

ياحلوة ياغصن البان

                    هالشاعر فيكي هيمان

صوتك احلا من الالحان

                    بهجي والعاطي ربي
                  .      .      .

يم القامة الممشوقة

                      روحي قبالك محروقة

خمرة عمري المعشوقة

                      صبي بيكاسي ...صبي
                     .    .   

بيقولو العاشق محتار

                    مكوي معذب.....ليل نهار

وعغصونك قلبو عازار

                   يقطف وردك.... و يعبي

         لاتهتمي بالشيبات

                قلبي مليان محبي

طبعا  هذه القفلة تردد بعد كل مقطع....

عازار الريم.سورية.