ااااه يا زمن ...
بقلمي تغريد الحاج
~~~~~~~~~~~
ااااه يا زمن ...
كيف تغيّرَت الاحوال
ااااه يا زمن ....
كيف انتقلنا من حالٍ لحال
كنا زمان صغار، ما منتعب
من المشوار .. نلعب .. نضحك
ليل- نهار، ما كان عنا هَمّ
ولا كان همنا الأخبار، كان الحكي
كله دلال، كان الجمال احلى جمال
كانت خصايل الشعر تلفت الأنظار
كانت مدارسنا صغيره يما
بس كنا شطار ...
رزق الله على ايام الفرح والهنا
مننسى الدكاكين وبياع الحلو
وكل يوم في مشوار عندو الهريسة ( النموره)
وعندو المشبك ملون والعوامه بالحبة والعيار
كان بياع السحبه ينادي " يلا يلا تجمعوا يا صغار" بفرنك نسحب السحبه وما في
ولا خاسرة ولا خسران والسحبة
يما دبوس للشعر او للفستان
وبالون جاهز للنفخ بالهوا مليان
وعلكه المسك وحبة ملبس كمان
وبلبل بيبرم بين الخطين، يغزل عالارض فنان
وبكلة مزينه بفرنك يا شطار وغلة ( بنانير لعب)
نربحها بالسحب والجو بالضحك مليان
لا هم عنا ولا بنعرف الأحزان
ومريول المدرسة بالفرنكات مليان
ااااه يا زمن ... يا ريت ارجع صغيره
العب واتعربش على سطوح الجيران
وشوارع الحارة مزينها لعب البنات مع الصبيان
قولك يا زمن فينا نركض ونلعب
من دون ما نهلك ونتعب؟؟!!!
قولك مثلنا عم يلعبوا ويضحكوا الصغار
لا يا زمن لا .... غابت كل الوان الفرح
وغاب بياع السحب من الساحات
ما كل (بناني
ر) الدبوس صار
مخرز بأيد التجار !!!!
ليست هناك تعليقات:
إرسال تعليق