هو اللي جالي طالب النصيحة ... الشاعر والمفكر جمال حلمي

هو اللي جالي طالب
النصيحة..
قلت ومالو دا برضه
زي أخويه ومحتاس...
لازم أنصحه وأقف معاه
وأعمل معاه الصح
وأزيد كمان من الناس......
الدنيا فيها العجب
وفيها أكل الحق
ودايس
فوق النفوس  .............
ودا جالي وكله  عشم
ناقص يحب فوق الراس.....
خدت بأيده بجد
ورقصت
اللي جار عليه
وأكل حقه
بالقانون
وسيفه الحاد
العادل بين الناس  .............
رجع له حقه
كريم مكرم
وزي ماكان
في  الأساس  .....................
بعدها فاجئني
بكرسي في الكلوب
قلبها ضلمه على نفسه
شوفته ماشي عكس عكاس ...........
نسي النصيحة
ومشي في طريق
الهلس وأتعاس  .......................
ونصحتي ليه
عملها حذاء
في رجله وداس..........
خلاني الغبي من الزعل
أضرب
أخماس في أسداس.............
وقلت
لنفسي يانفس
أوعي
تزعلي الحق حق
لكن  فيه
نفوس مريضة
معدوم عندها الأخلاص........
الفقر ساعات
يكون لهم دوا
خاصة 
الهفايا المناجيس  .............
بلاش تخدي
على خاطرك
يانفس
من حد عايش
دنيته
بدون خشى ولا إحساس  ..............
وأعملي
الخير وبس
فيه رب
شايف وكاشف الناس.......
وكل
الناس لها عقل
متركب
بجد  جوه الراس.................
وأهي دنيا
يانفس
بنتعلم منها كل
يوم
بدل الدرس
آلاف  الدروس.......................     ......
!!!!!!! هو اللي جالي!!!!!!!!!!!!!!!!!!!!!!!!!!!!!!!!!!
الشاعر والمفكر جمال حلمي