ياگلبي من تهوى اختبر ... بقلم الأستاذة المتألقة هبة الحياة

ياگلبي من تهوى اختبر
                          أودور الوفي أويحمل صبر
اوليحيرك شرط الهوى
                                   للبيض لو بس للسمر

لا تنشده بلوادك اوطبعه لغز ماينفهم
          غوص ابقهر بحر الهوى وتحصل البيه تفتخر

شرط اليواد ومنفتح أگلبه أوي گلبك منسجم
              مو على زله اوخاصمك اوتاليته يطلعك شمر

ابهذا وكتنه يصح وفه بس صاحبه بيه منذهل
                     يوصلك ابنسمه هوى اويحضر كبل ماتنتضر

فدوات اروحن للوفي وأهاتي ابليه عدد
                                      اوفركاه يلسع بالگلب موگد جمر

يل حكمت بهل الهوى ماينضمن حكمك عدل
                    حنيه ماكو اولاعطف او گلبك صلف ماينكسر

ماداعبن نسمات شوگ
                       اوعطفن  اعلى احساسك اومنهم تعتذر

ياشوگي بيك اتعلگن روحي او شرايين الگلب
                     وبگى أحن للعشرتك لأخر دقيقة من العمر 

بقلم والدي رحمه الله في مثواه الابدي