من كتابات والدي رحمه الله .... هبة الحياة

لوتجينه لو نجيك ولا تخلينه أنتعده
انته تدري گلبي ودك مخلص وباقي اعلى عهده
جنت أضن لو غمك جرحي تعتني وبيدك تضمده
ماهي عدله هاي منك تعتني الكلبي وتمرده
وسيفك المسموم عاني وكصدك ابضلعي تحده
وردنا الزاهي بخضاره ذبل عوده ويبس ورده
ابمهب الريح راحت اسنينه وذيج الموده
وضيعت اسنين عمري وياك جن ماي وتبده
عشرتي وسهر الليالي وهذا نجم الليل اشهده

كطعيت احبال وصلي وحبل وصلك بيدي اشده
كون كلبك جفل مني خل يعيش اكليبي وحده
كولها احجيها ابصراحه لاتخلي بيها رده
مااحسبت مايك سراب وعلى سطح الكاع نده
سكمي ونحولي وعذابي وراح ذاك التعب برده
گوريت هموم كلبي وصبري ذاب وجزا ،،حده
وصابرت وامشي أمكابر وعفيه روحي شلون جلده

من كتابات والدي الله يرحمه