بالعربي المشبرح
وبالفلسطيني كمان
وبلهجتنا البلدية
بكفينا شرشحة وبكفينا بهدله
اللي صار فينا ما صار بحدا
لوين بعدنا رايحين، بنحكي عن وضعنا الفلسطيني
للاسف ما عاد عنا شي اسمه فلسطيني او شي يخدم القضية الفلسطينيه، اشي مخزي ومهين للانسانية لما تسمع صرخة ام او اخت او اب وهو يناشد او يتوسل هذا الطرف او هذاك ليفرجوا عن ابنهن المعتقل، ولما تسال عن سبب الاعتقال بتلاقي السبب خلاف بالرأي او بوجهات النظر، بهاي الحاله يا جماعه بالله عليكوا تحكوا شو ضل في شي بلغتنا او تعاملنا مع بعض ك فلسطينيه، حتى لغتنا صارت لغات حسب سياسة كل طرف وبتصير الكلمات متقاطعه وحروفها مهريه !!!
للاسف لا بنلاقي للكلام وزن ولا طعمه ولا الها أصول في قاموسنا الفلسطيني، ولو يا جماعة استحوا شوي، كيف بدنا نطالب العدو الصهيوني يفرج عن أولادنا الأسرى والمعتقلين واحنا بلا مؤاخذه نازلين اعتقال لبعضنا بمجرد الاختلاف بالرأي، خلينا ولو مرة وحده ننسى خلافات وآرائنا ونحكي مع بعض بالفلسطيني اللي بخدم القضيه مش اللي بهدم القضية يا جماعة الخير وصلنا لمرحله صرنا نقول ولو اشي منك ما في بس دخانك بيعمي، يا اخي ريحنا من دخانك وبلا ما تشوشوا افكار الناس ولو احنا بالشهر الفضيل، اتقوا الله
والله عيب ما بعدو عيب انه نصير بدل الشعب ملل وتنظيمات بلا مبادئ ولا قيم ولو شو خلينا للعدو اللي مكيف ومرتاح على وضعنا هيك، اي هو ما بكفينا انقسام، اي هو ناقصنا نحبس بعض اذا اختلفنا، طيب ما بدي احبك يتحبسني
هو الحب بالقوة ؟؟!!!!!! صحيح زي ما قال المثل
اللي استحوا .....!!!!! لا والف لاعتقال السياسي التعسفي
وعيب العيب كمان مش هيك ؟؟
هيك والف الف هيك كمان
بقلمي
تغريد الحاج
وبالفلسطيني كمان
وبلهجتنا البلدية
اللي صار فينا ما صار بحدا
لوين بعدنا رايحين، بنحكي عن وضعنا الفلسطيني
للاسف ما عاد عنا شي اسمه فلسطيني او شي يخدم القضية الفلسطينيه، اشي مخزي ومهين للانسانية لما تسمع صرخة ام او اخت او اب وهو يناشد او يتوسل هذا الطرف او هذاك ليفرجوا عن ابنهن المعتقل، ولما تسال عن سبب الاعتقال بتلاقي السبب خلاف بالرأي او بوجهات النظر، بهاي الحاله يا جماعه بالله عليكوا تحكوا شو ضل في شي بلغتنا او تعاملنا مع بعض ك فلسطينيه، حتى لغتنا صارت لغات حسب سياسة كل طرف وبتصير الكلمات متقاطعه وحروفها مهريه !!!
للاسف لا بنلاقي للكلام وزن ولا طعمه ولا الها أصول في قاموسنا الفلسطيني، ولو يا جماعة استحوا شوي، كيف بدنا نطالب العدو الصهيوني يفرج عن أولادنا الأسرى والمعتقلين واحنا بلا مؤاخذه نازلين اعتقال لبعضنا بمجرد الاختلاف بالرأي، خلينا ولو مرة وحده ننسى خلافات وآرائنا ونحكي مع بعض بالفلسطيني اللي بخدم القضيه مش اللي بهدم القضية يا جماعة الخير وصلنا لمرحله صرنا نقول ولو اشي منك ما في بس دخانك بيعمي، يا اخي ريحنا من دخانك وبلا ما تشوشوا افكار الناس ولو احنا بالشهر الفضيل، اتقوا الله
والله عيب ما بعدو عيب انه نصير بدل الشعب ملل وتنظيمات بلا مبادئ ولا قيم ولو شو خلينا للعدو اللي مكيف ومرتاح على وضعنا هيك، اي هو ما بكفينا انقسام، اي هو ناقصنا نحبس بعض اذا اختلفنا، طيب ما بدي احبك يتحبسني
هو الحب بالقوة ؟؟!!!!!! صحيح زي ما قال المثل
اللي استحوا .....!!!!! لا والف لاعتقال السياسي التعسفي
وعيب العيب كمان مش هيك ؟؟
هيك والف الف هيك كمان
بقلمي
تغريد الحاج
ليست هناك تعليقات:
إرسال تعليق